ALGEMENE INLIGTING VIR OUDTSHOORN 2025

Die volgende provinsies neem gewoonlik deel aan hierdie byeenkoms : WP, OP, Eden, Grens en Boland.

Die opening en hardloopitems vind plaas by die De Jager Sportkompleks in Voortrekkerweg. Vir parkering is dit egter beter om van St. Johnstraat af in te kom. Die swem vind plaas by die NA Smit Swembad in Parkstraat.

Aangesien ons reeds op 17 Januarie 2025, die spanne moet deurgee en baie ander reëlings gefinaliseer moet word, gee ons solank vroegtydig die volgende belangrike inligting deur.

VERVOER

Vervoer in spanverband word nie gereël nie.  Atlete moet vir hulle eie vervoer sorg en verseker dat hulle betyds arriveer. 

VERBLYF EN KOSTE

Inskrywingsgelde  vir die byeenkoms is R385 per atleet. Dit dek die deelname aan die byeenkoms , prysuitdeling en toegang tot die funksie die aand (wat eetgerei en slaaie insluit – nie vleis nie). Indien iemand wil braai kan hy/sy hulle eie braaivleis saambring of die pakkie wat deur Eden voorsien word, vir R60 bestel.

Verblyf-pakkette vir  31 Januarie en  1 Februarie  is vir Boland se atlete en hul ouers by die Kleinplaas Vakansieoord in Oudtshoorn beskikbaar ( dit sluit nie etes in nie, is  beperk en onderhewig aan die voorwaardes soos onder). Die volgende opsies is beskikbaar en kostes is as volg:

OPSIE	BESKRYWING	HOEVEELHEID BESKIKBAAR	KOSTE VIR DIE 2 DAE
A	4 Bed standaard oopplan chalet met badkamer en kombuis	20	R2,400
B	4 Bed luukser oopplan chalet met badkamer en kombuis.	12	R2,640
C	5-bed 1 slaapkamer chalet met badkamer en kombuis	4	R2,820
D	6-bed 2 slaapkamer chalet met badkamer en kombuis.	12	R3,440
E	2 - bed kamer	3	R1,640

Die hele Kleinplaas is vir die naweek bespreek deur van die verskillende provinsies wat aan die byeenkoms deelneem, waarvan die grootste hoeveelheid chalets aan Boland Tweekamp toegeken is.  Die verblyf wat aan Boland Tweekamp toegeken is, se toedeling sal soos volg hanteer word:

• Aan die mense wat al lank by Tweekamp betrokke is, al voorheen van die verblyf by Kleinplaas gebruik gemaak het en hulle verblyf vooraf betaal het.
• Gesinne waarvan meer as 1 aan die byeenkoms sal deelneem en hulle verblyf vooraf betaal het.
• Aan ouers/deelnemers wat op ‘n gereelde basis help en betrokke is as beamptes.

Ondervinding het ook die laaste paar jaar geleer, dat heelwat van die ouers in elk geval van ander verblyf gebruik moet maak, aangesien ons ’n groot span na Oudtshoorn neem. So, as u plek by Kleinplaas wil hê, reageer dan asseblief vinnig, aangesien daar ’n wonderlike atmosfeer is en die kinders dit baie geniet.

Dit is belangrik dat as u nie teen 15 Januarie 2025, of vroeër, u verblyf met my persoonlik bevestig en betaal het nie, u nie kan aanneem dat daar wel verblyf by Kleinplaas beskikbaar sal wees nie. U moet dan eers met my kontak maak om vas te stel of daar nog blyplek is, voordat u ’n betaling maak t.o.v. verblyf.

Aangesien die beskikbaarheid van verblyf beperk is, kan daar slegs van die opsies soos bo uiteengesit, gebruik gemaak word. Indien ouers net vir een nag wil bly dan moet hulle asseblief ook hulle eie reëlings tref by ander fasiliteite.

Kleinplaas het ook ‘n baie lekker kampplek. Die wat daarvan hou om te kamp, is baie welkom om  plek daar te bespreek.  Dit moet asb. self gedoen word (Tel: 044-272 5811).

BETALINGS

Alle betalings moet voor of op Woensdag 15 Januarie 2025 ontvang word of in die volgende bankrekening inbetaal wees:

ABSA, Paarl  :           Takkode 33 42 10

Rekening      :           Boland Tweekamp

Rekeningnr   :           4050 770 764

VORMS

Die name van die spanne wat na Oudtshoorn gaan (A, B en ontwikkelingspan sal aan die skole deurgegee word, op Boland Tweekamp se webwerf wees en op die WhatsApp groep wees vanaf 13 Desember 2024. Die nodige vorms wat voltooi moet word en teruggestuur moet word sal op die Boland Tweekamp webwerf wees. Die voms:

• Aanvaarding, reis- en verblyfreëlings en uiteensetting van betaling;
• die Bankdepositostrokie waarop die atleet se naam by die verwysing ingevul moet wees;
• asook die Klerebestelvorm,

moet teruggestuur word na symingtonl@pvbm.co.za voor 10 Januarie 2025.

*Dit sluit die “clothing order form” in.

Die klere sal dan beskikbaar wees by die byeenkoms van 18 Januarie 2025.

E-pos asb. die volgende 2 dokumente aan Len Symington by symingtonl@pvbm.co.za    voor Woensdag   15 Januarie 2025 om 12:00 om te antwoord en u betaling te bevestig. Doen dit asseblief vroeër as u kan:

1. Aanvaarding, reis- en verblyfreëlings en uiteensetting van betaling.
2. Bankdepositostrokie waarop die atleet se naam by die verwysing ingevul is.

Atlete wat nie teen Woensdag 15 Januarie om 12:00 hulle vorms en betaling ingehandig het nie, sal ongelukkig uit die span gelaat en vervang word.

Alle atlete moet met aanvanklike affiliasie die  registrasievorm ingevul en ingehandig het en die registrasiekoste betaal het. Indien nie, dan kan so ‘n atleet ongelukkig nie vir die span/ne oorweeg word nie.

KLEREDRAG

HARDLOOP:            A – Span: Swart Boland hardloopbroek en Boland Tweekampfrokkie

B - Span en Ontwikkelingspan: Swart Boland hardloopbroek en ‘n geel frokkie.

SWEM:                       A, B en Ontwikkeling: Verkieslik ‘n swart swembroek en ‘n geel swempet.

Deelnemers wat al voorheen Boland verteenwoordig het en nou in die B of Ontwikkelingspan is kan met hulle swart Bolandfrokkie deelneem.

Die klerebeselvorm moet teruggestuur word na symingtonl@pvbm.co.za  voor 10 Januarie 2025 of afgegee word by Lemoenkloofweg 32, Paarl.

Tydens die optog sal bogenoemde hardloopdrag ook die span se drag wees. Slegs hardloopskoene of kaalvoete word toegelaat vir die optog, om eenvormigheid te verseker. Atlete meld aan om 07h10 aan die oorkant van die pawiljoen op die baan. Daar sal ’n beampte wees om te help met die uitsit van atlete vir die optog.          

Klere (hemp en broek) moet by die Langebaan of Bonnievale byeenkoms aangepas word indien u van mening is dat u moontlik een van die 3 spanne sal kan haal, of by Mariana Symington daarna by Lemoenkloofweg 32 in die Paarl (daar moet uiteraard ’n afspraak daarvoor gemaak word – 082  807 5887).

Die klere kan afgehaal word  by die Gimnasium byeenkoms op 18 Januarie 2025, of indien iemand nie daar deelneem nie, kan dit afgehaal word by Kleinplaas (Chalet 2) vanaf 16h00 tot 21h00, op Vrydag 31 Januarie of Saterdagoggend by die atletiekbaan voor die byeenkoms begin.

NAWEEKPROGRAM

16:00 tot 21:00	Vrydag	31 Jan 2025	Haal klere af indien dit nog nie gedoen is nie by Kleinplaas. Chalet 2
06:45	Saterdag	1 Feb 2025	Aanmeld by De Jager Sportkompleks – klere wat ook nog nie afgehaal is nie kan dan gekry word.
07h10	Saterdag	1 Feb 2025	Tree aan vir optog en opening op atletiekbaan
07:15	Saterdag	31 Feb 2025	Beamptes en tydhouers meld aan by wenpaal.
07:25	Saterdag	1 Feb 2025	Opening met optog om baan en ander formaliteite – De Jager Sportkompleks
08:00	Saterdag	1 Feb 2025	Hardloopitems begin stiptelik
±12:00	Saterdag	1 Feb 2025	Swem – N A Smit-swembad, ±1 uur na afhandeling van hardloop items
18:45	Saterdag	1 Feb 2025	Prysuitdeling by High Gate
20:00 – 23:30	Saterdag	1 Feb 2025	Braai, ete en sokkie/dans High Gate

 

VOLGORDE VAN ITEMS BY DIE BYEENKOMS

Neem asseblief kennis van die beplande volgorde van die byeenkoms (afhangende van die hoeveelheid inskrywings kan groepe saam gevoeg word).  Dit sal dan ook heel moontlik weer die volgorde wees wat by die SA Kampioenskappe gevolg sal word (uitsluitend die O/8s).

EVENT	RUNNING	EVENT	SWIMMING
1	Under 8 Girls	1	Under 8 Girls
2	Under 8 Boys	2	Under 8 Boys
3	Special needs	3	Special Needs
4	+70 Ladies	4	+70 Ladies
5	+70 Men	5	+70 Men
6	+ 60 Ladies	6	+ 60 Ladies
7	+ 60 Men	7	+ 60 Men
8	+ 50 Ladies	8	+ 50 Ladies
9	+ 50 Men	9	+ 50 Men
10	+ 40 Ladies	10	+ 40 Ladies
11	+ 40 Men	11	+ 40 Men
12	Senior Ladies 28-39	12	Senior Ladies 28-39
13	Senior Men 28-39	13	Senior Men 28-39
14	Junior Ladies 19-27	14	Junior Ladies 19-27
15	Junior Men 19-27	15	Junior Men 19-27
16	Under 9 Girls	16	Under 9 Girls
17	Under 9 Boys	17	Under 9 Boys
18	Under 11 Girls	18	Under 11 Girls
19	Under 11 Boys	19	Under 11 Boys
20	Under 13 Girls	20	Under 13 Girls
21	Under 13 Boys	21	Under 13 Boys
22	Under 15 girls	22	Under 15 girls
23	Under 15 Boys	23	Under 15 Boys
24	Under 17 Girls	24	Under 17 Girls
25	Under 17 Boys	25	Under 17 Boys
26	Under 19 Girls	26	Under 19 Girls
27	Under 19 Boys	27	Under 19 Boys

PRYSUITDELINGSFUNKSIE EN DANS/SOKKIE

Saterdagaand se prysuitdeling/dinee sal soos verlede jaar weer by die HIGHGATE VOLSTRUIS-PLAAS gehou word.  Dit begin om 18:45 met die prysuitdeling in die saal. Daarna begin die bring-en braai en lekker sokkie!  Atlete wat wil braai moet hulle eie vleis saambring of kan ook die pakkies soos deur Eden voorsien, vir R60.00 bestel. Dit moet egter ook voor die tyd bestel en betaal word (verwys na vorm). Nie-atlete, familie of vriende wat daar wil braai, moet so aandui en die addisionele betaling vir die ete maak van R145 per persoon (wat die volgende insluit vure, roosters, slaaie, roosterbroodjies, paptert en eetgerei, asook 'n braaipak met ’n tjop, wors en sosatie).  Eie drinkgoed kan saamgebring word en daar sal ook ’n fasiliteit wees waar drinkgoed kontant aangekoop kan word.

Highgate bied ook die Saterdagmiddag en Sondag spesiale toere aan vir Tweekampers teen R40.

Soos in die kennisgewing aangedui, is die spanne wat na Oudtshoorn gaan ’n A, B en ’n Ontwikkelingspan. Dit is nie amptelike Bolandspanne nie, alhoewel die atlete die Boland verteenwoordig tydens die byeenkoms. Die Bolandspan word gekies om Boland tydens die SA Tweekamp Kampioenskappe te verteenwoordig. Indien daar nie by die riglyne gehou word nie, veroorsaak dit probleme met die erkenning aan atlete. Volgens Boland Tweekamp behoort ’n atleet wat Oudtshoorn toe gaan en ‘n atleet wat Boland verteenwoordig by die SA Kampioenskappe, nie dieselfde erkenning te kry nie.   Boland Tweekamp gee daarom slegs erkenning aan die atlete wat Boland by die SA Tweekamp Kampioenskappe verteenwoordig.

Die Bestuur wens alle atlete voorspoed toe met die byeenkoms. Onnodig om uit te wys dat die reëlings onderhewig is aan verandering en dat indien iets verander, ons so gou as moontlik dit sal kommunikeer.

Indien iets onduidelik is of as meer inligting verlang word, kontak my asseblief.

Tweekampgroete

LEN SYMINGTON

082 875 2257